ТАҶЛИЛИ 15-СОЛАГИИ ТАЪСИСИ ҚӮШУНҲОИ САРҲАДИИ ҶТ ДАР ВИЛОЯТИ СУҒД
Душанбе, 25 май. (АМИТ «Ховар», Бекназари Абӯбакр). — Дар Кохи «Рӯдакӣ»-и шаҳри Хуҷанд ба муносибати 15-солагии таъсиси Қӯшунҳои сарҳадии Ҷумҳурии Тоҷикистон маҷлиси тантанавии идона баргузор гардид. Аз маркази иттилоот ва таҳлили дастгоҳи раиси вилояти Суғд ба АМИТ «Ховар» иттилоъ доданд, ки дар ин чорабинӣ роҳбарони мақомоти интизомии вилоят, афсарон ва сарбозони ҷузъу томи шӯъбаи фаврию ҳарбии «Суғд», Қӯшунҳои сарҳадии Ҷумҳурии Тоҷикистон ва роҳбарони як қатор ташкилоту идораҳои вилоятӣ иштирок намуданд. Дар маҷлиси тантанавӣ раиси вилояти Суғд Қоҳир Расулзода ва муовини аввали сардори Сарраёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон Шараф Файзуллоев иштирок ва суханронӣ намуда, сарҳадчиёни дар вилояти Суғд мустақар бударо табрик намуданд. Аз ҷумла, Қоҳир Расулзода қайд кард, ки сарҳадбонони тоҷик аз рӯзи таъсис то ба имрӯз дар роҳи ҳифзи марзу буми Ҷумҳурии Тоҷикистон мардонагию далерӣ зоҳир намуда, ба Ватан ва суботи ҳамешагии мардуми кишварамон садоқатмандона хизмат менамоянд. Ба гурӯҳи калони афсарон ва сарбозони шӯъбаи фаврию ҳарбии «Суғд»-и Сарраёсати Қӯшунҳои сарҳадии Кумитаи давлатии амнияти миллии ҷумҳурӣ аз номи Президенти кишвар ва мақомоти иҷроияи ҳокимияти давлатии вилоят тӯҳфаҳои хотиравӣ супорида шуд. Ёдовар мешавем, ки моҳи майи соли 1994 дар бораи барпо намудани Қӯшунҳои сарҳадии Вазорати амнияти Ҷумҳурии Тоҷикистон қарори Раёсати Шӯрои Олии Ҷумҳурии Тоҷикистон ба имзо расида буд. Тибқи ин санад ҳар сол 28 май чун рӯзи иди касбии сарҳадбонони тоҷик қайд карда мешавад.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
