ТАРБИЯИ ҲАРБӢ — ВАТАНДӮСТӢ

                   Суғд, 6 май. (АМИТ «Ховар», Самад Юсуфӣ, Мирзалӣ Амонов).- Бо ибтикори идораи ҷавонон, варзиш ва сайёҳии вилояти Суғд баҳри тарбияи ватанпарастии ҷавонон озмуни «Сарбози оянда» ва фестивали сурудҳои ватанпарастона доир гардид.                    Дар озмуни ҳарбӣ-варзишии «Сарбози оянда» намояндагони мактабҳои шаҳру ноҳияҳои Хуҷанд, Чкалов, Қайроққум ва Бобоҷон Ғафуров аз рӯи 7 шарт: дар муддати кӯтоҳтарин пӯшидани либоси низомӣ ва муҳофизатӣ, иҷрои эстафетаи мудофиаи шаҳрвандӣ, гузаштан аз монеаҳо, иҷрои суруди мутантани низомӣ ширкат варзида, аз худ донишу маҳорати баланд нишон доданд.                  Дар фестивал- озмуни сурудҳои ватанпарастона сарбозони комендатураи ҳарбии гарнизони Суғд, қисмҳои низомии гвардияи миллӣ, Вазорати мудофиа, Вазорати корҳои дохилӣ ва Кумитаи давлатии амнияти миллӣ бо оҳангу таронаҳои ҳидоятгарӣ, дӯст доштану ҳифз кардани обу хоки Ватан баромад карданд.