ТАВАҶҶӮҲИ ХОСИ ВАО-И АРАБИСТОНИ САУДӢ БА ТОҶИКИСТОН

                        Душанбе, 25 май. (АМИТ «Ховар», Наргис Бойаҳмадова). — Дирӯз, 24 май иҷлосияи 36-уми Шўрои вазирони корҳои хориҷии давлатҳои узви Созмони Конфронси исломӣ дар Димишқ кори худро идома дод. Дар ҷаласа ҳайъатҳо роҷеъ ба масъалаҳои муҳими ҷаҳони ислом таболули назар карданд.                         Ба иштирокдорон маҷаллаи ҳармоҳаи мисрии «Ал-Азҳар» ба забони арабӣ, ки дар он мақолаи Президенти Ҷумҳурии Тоҷикистон Эмомалӣ Раҳмон "Имоми Аъзам ва ҳуввияти миллии тоҷикон", хабари иттилоотӣ оид ба Соли бузургдошти Имоми Аъзам дар Тоҷикистон ва матни суханронии Вазири корҳои хориҷии Ҷумҳурии Тоҷикистон Ҳамрохон Зарифӣ дар ин иҷлосия, ки 23 май сурат гирифта буд, пешниҳод гардид.                     Иштироки фаъолонаи ҳайъати Тоҷикистон дар кори иҷлосия мавриди таваҷҷӯҳи воситаҳои ахбори оммаи Сурия қарор гирифт. Аз ҷумла, телевизиони давлатии Сурия бо роҳбари ҳайъат — вазири корҳои хориҷии Тоҷикистон Ҳамрохон Зарифӣ мусоҳибае доир намуд, ки дар он иқдомоти солҳои охири Сарвари Давлат ва Ҳукумати Ҷумҳурии Тоҷикистон барои таҳкими ҳамкории муфид бо Созмони Конфронси исломӣ ва кишварҳои узви он муфассал баён карда шуд.                      Аз департаменти иттилооти ВКХ ҶТ ба АМИТ «Ховар» иттилоъ доданд, ки кори иҷлосияи Шўрои вазирони корҳои хориҷии давлатҳои узви Созмони Конфронси исломӣ дар Димишқ идома дорад.