ҚОЧОҚИ МАВОДИ МУХАДДИР БОИСИ НИГАРОНИИ ПРЕЗИДЕНТИ КИШВАР АСТ

                   Душанбе, 5 июн. (АМИТ «Ховар», Лаззат Диловарзод).- Агар соли 2008 аз тарафи сарҳадбонон ҳамагӣ 1350 кг маводи мухаддир аз қочоқчиён мусодира карда шуда бошад, аз ҷониби дигар қувваҳои қудратии кишвар беш аз 8 тонна маводи нашъаовар дарёфт ва мусодира намуданд,- иброз дошт Президенти кишвар рӯзи ҷашни 15- солагии таъсисёбии қувваҳои сарҳадии ҷумҳурӣ.                  Дар давоми солҳои 2004 — 2009 485 нафар кормандони низомӣ ва беш аз 4 ҳазору 70 нафар хизматчиёни ҳарбӣ даст ба ҷиноятҳои гуногун задаанд, ки ин боиси нигаронист.                  Ба ҳама ин норасоиҳо нигоҳ накарда, қӯшунҳои сарҳадӣ дар роҳи таъмини амнияти давлат, оромии марзу буми кишвар ва таҳкими дастовардҳои истиқлолият саҳми босазо доранд.                  Имрӯз бо итминони комил гуфта метавон, ки марзбонони кишвар аз ӯҳдаи ҳифз ва ҳимояи сарҳади давлатӣ ба пуррагӣ баромада метавонанд,-афзуд Президент дар ҷашни сарҳадбонон.