ҚУРБИ РУБЛИ РУСӢ ВА ЕВРО ПОЁН РАФТ

                  Душанбе, 12 июн. (АМИТ «Ховар», Бекназари Абӯбакр). — Дар давоми рӯзи 11 июн қурби миёнаи хариду фурӯши доллари ИМА дар нуқтаҳои мубодилаи асъори шаҳри Душанбе бетағйир монда, чун рӯзи гузашта ба ҳисоби миёна 4,43 — 4,45 сомониро барои 1 доллари ИМА ташкил дод. Қурбҳои миёна аз рӯи амалиёти рубли русӣ ва евро каме паст гардида, мутаносибан ба 1,41 — 1,43 сомонӣ ва 6,07 — 6,12 сомонӣ баробар шуданд.                 Дар бозорҳои байнибонкӣ ва дохилибонкӣ бошад, қурби миёнаи хариду фурӯши доллари ИМА аз рӯи амалиётҳои гузаронидашуда, каме афзуда, дар ҳудуди 4,42 — 4,43 сомонӣ қарор гирифт. Қурби миёнаи хариду фурӯши рубли русӣ ва евро мутаносибан 1,47 сомонӣ ва 5,9861 сомониро ташкил дод.