ҲАВОПАЙМОҲОИ ШИРКАТИ ҲАВОИИ ЛАТВИЯ БА ДУШАНБЕ ПАРВОЗ МЕКУНАНД

                         Рига, 1 июн. (АМИТ «Ховар»- The Baltik Course)- Хавопаймоҳои ширкати миллии ҳавопаймоии Латвия — «Аӣрбалтик» аз 1 июни соли равон сар карда, аз шаҳри Рига ба пойтахти Тоҷикистон- шаҳри Душанбе парвоз мекунанд.                          Дар ин бора муовини роҳбари ширкати ҳавопаймоии Латвия Янис Ванагс хабар дод. Ҳамин тариқ, ширкати ҳавопаймоии Латвия ягона ширкати ҳавопаймоии мамлакатҳои Иттиҳоди Аврупо мебошад, ки ҳавопаймоҳои он ба Душанбе парвоз хоҳанд кард.                       Мухбири АМИТ «Ховар» хабар медиҳад, ки ҳавопаймоҳои мусофирбар аз Рига ба Душанбе дар давоми ҳафта 2 рӯз- рӯзҳои душанбе ва ҷумъа парвоз мекунанд. Барои ин ҳавопаймоҳои навъи «Боинг» истифода бурда мешаванд. Ҳавопаймоҳо дар байни Рига ва Душанбе 5 соату 30 дақиқа парвоз мекунанд. Нархи чиптаи онҳо ба як тараф аз 139 лат (1 лат= 1,9855 доллари ИМА) оѓоз меёбад.                          Ширкати ҳавопаймоии Латвия соли 1995 ташкил ёфта буд ва айни ҳол 29 ҳавопаймои мусофирбар дорад.