ҲИСОБКУНАК БАРОИ ЗАРАРДИДАГОН

                        Душанбе, 16 июн. (АМИТ «Ховар», Жасмин Назарова). — Бо дастури раиси ширкати «Барқи тоҷик» корхонаи муштараки «Барқ — Кымган» тасмим гирифтааст, ки ба зарардидагон аз офати табиӣ 500 адад ҳисобкунакҳои индуксионии аз сертификатсия гузашта фиристонад.                        Тавре ба АМИТ «Ховар» роҳбари дафтари матбуот Нозирҷон Ёдгорӣ иттилоъ дод, ҳисобкунакҳо бепул буда, онҳоро корхонаи барқи минтақа дар хонаҳои навбунёд васл менамоянд.                          Корхонаи муштараки «Барқ — Кымган» имрўзҳо ҳисобкунакҳои пеш дар истифода бударо таъмиру тармим намуда, аз сертификатсия гузаронида, барои истифода мувофиқ менамояд. Ин саҳми калонест бобати дуруст ба роҳ мондани ҳисобу китоби барқ ва кам намудани талафоти нерў.