ҲИСОБОТИ ДОНИШҶӮЁНИ КОЛЛЕҶИ ХОРЕОГРАФӢ

                    Душанбе, 3 июн. (АМИТ «Ховар», Лутфия Эшонқулова).-Бо ташаббуси Вазорати фарҳанги Ҷумҳурии Тоҷикистон 6 июн дар Коллеҷи ҷумҳуриявии хореографии ба номи М. Собирова барномаи ҳисоботи эҷодии хонандагон ва донишҷўёни коллеҷ баргузор мегардад. Тавре ба мухбири АМИТ «Ховар» дар Вазорати фарҳанг хабар доданд, ҳисоботи хонандагон ва донишҷўён ба Соли бузургдошти Имоми Аъзам бахшида шудааст. Дар барномаи консертии он 21 номераи рақсӣ, аз ҷумла, рақси «Шаҳзода», «Вальс», «Мурғи суман», «Ҷавонӣ», «Гардамс», «Дон Кихот» ва ғайраҳо ҷой дода шудаанд.                   Ҳамчунин, бо дастгирии вазорат аз 2 то 5 июн намоишномаҳои дипломии шўъбаи актёрии Донишкадаи давлатии санъати Тоҷикистон ба роҳ монда шуданд.                   Хатмкунандагон намоишномаҳои «Айбнома», «Зебунисо», «Хўса» ва «Афсона боз афсона…» -ро пешкаши тамошобинон мегардонанд.