ҲОДИСАИ МУДҲИШ ДАР ВАҲДАТ

                 Душанбе, 5 июн. (НИАТ «Ховар», Анварбек Сиддиқов). — 4 июн дар ҳудуди ҷамоати деҳоти Ромити ноҳияи Ваҳдат автомашинаи тамғаи «Нива ба дарёи Кофарниҳон афтид. Дар дохили автомашинаи мазкур ду нафар мусофир буд. Ронанда Сайфиддин Сафаров автомашинаро бо мусофирон С. Қодироваи 37 сола ва духтари яксолааш М. Хоҷаева дар нишебӣ гузошта чанд метр дур рафт. Дар ҳамин ҳолат тормози автомашина аз кор баромада он ба дарё афтид.                  Аз Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба АМИТ «Ховар» хабар доданд, ки ба ҷои ҳодиса наҷотдиҳандагон даъват карда шуданд, то ҳол ҷустуҷӯи ҷасади ғарқшудагон машғул идома дорад.