ҲУНАРПЕШАГОНИ ТОҶИК БА СВЕРДЛОВСК МЕРАВАНД
Душанбе, 11 июн. (АМИТ «Ховар», Таҳмина Ғоибназарова).- Гурӯҳи калони ҳунарпешагони Тоҷикистон 12 июн барои иштирок дар ҷашнвораи ҳунарии мамлакатҳои аъзои СҲШ ба шаҳри Екатеринбург меравад. Онҳо дар консерти калон ширкат меварзанд, ки ба муносибати мулоқоти сарони давлатҳои аъзои СҲШ дар ин ҷо баргузор хоҳад гашт. Директори генералии Ширкати эҷодии «Илҳом» Набӣ Ҷалолов ба мухбири АМИТ «Ховар» гуфт, ки ба ин ҷашнвора ҳунарпешагони машҳур ва гурӯҳҳои ҳунарӣ фиристода мешаванд. Вай зикр намуд, ки ҳунарпешагони маъруф ва овозхонони варзида Таҳмина Ниёзова, Бахтиёр Иброҳимов, Дилором Қурбонова ва Парда Қосимов дар ин ҷашнвора иштирок хоҳанд кард. Барномаи ҷашнвора инчунин ҳунарнамоии гурӯҳи рақсии «Лола»-ро дар бар мегирад. Гурӯҳи мазкур барои ин ҷашнвора барномаи махсус таҳия намудааст. 16 июн ҳунарпешагон барои тоҷикони сокини шаҳри Екатеринбург консерт намоиш хоҳад дод. Онҳо баъдан ба сафари эҷодии шаҳрҳои вилояти Свердловск мераванд.
Муассисаҳои таълимӣ ноҳияи Муъминобод ба зимистонгузаронӣ омода карда мешаванд
Имрӯз дар шаҳри Душанбе ҳаво то 21 дараҷа гарм мешавад
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
