5 НАФАР ФАВТИДАНД

                Душанбе, 12 июн. (АМИТ «Ховар», Жасмин Назарова). — Бино ба иттилои подполковники ситоди ҳолатҳои фавқулоддаи минтақаи Кӯлоб Рамазон Неъматов, дар натиҷаи боронҳои пай дар пай дар минтақаи Кӯлоб, 996 га заминҳои пахта, 1 123 га заминҳои кишоварзӣ, 10,3 км дамба, 546 хонаҳои истиқоматӣ зарари ҷиддӣ диданд. Дар маҷмӯъ маблағи зарар 23 млн. сомониро дарбар мегирад.                 Ба гуфти Р. Неъматов зарари офати табии дар ноҳияҳои Шӯрообод, Мӯъминобод, Темурмалик ва Восеъ бештар ба назар мерасанд. Ба оилаҳои зарардида ташкилотҳои ғайридавлатӣ кӯмаки башардӯстона аз қабили маводҳои ғизоӣ таъмин намуданд. Гуфта мешавад, ки дар натиҷаи офати табиӣ 5 нафар фавт аз ноҳияҳои Данғара, Мӯъминобод, Шӯрообод ва Ховалинг фавтиданд, ки сину солашон то 16 сола мебошанд.