70 НАФАР ҶАВОНОНИ ТОҶИК БАРОИ КОР БА ФР МЕРАВАНД

                    Душанбе, 11 июн. (АМИТ «Ховар», Ибодат Давлатова). — Имрӯз маросими равон намудани 70 нафар ҷавонони тоҷик барои кор ба Ширкати аграрии «Бунятина»-и вилояти Москваи Федератсияи Русия баргузор мегардад.                     Тавре ба мухбири АМИТ «Ховар» аз маркази матбуоти Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд, чанде пеш бо роҳбарияти Ширкати аграрии «Бунятина»-и вилояти Москваи Федератсияи Русия як қатор шартномаҳои ҳамкори ба имзо расиданд.                     Мавриди зикр аст, ки ҷониби даъваткунанда даъватшавандагонро бо чиптаҳои ройгон, ҷойи зист ва маоши аз 12 то 18 ҳазор рубли русӣ таъмин менамояд.