АФЗОИШИ ТАЛАБОТ БА РУБЛИ РУСИЯ

                 Душанбе, 4 июн. (АМИТ «Ховар», Бекназари Абӯбакр). — Аз оғози рӯзи 4 июни соли равон нуқтаҳои мубодилаи асъори шаҳри Душанбе фаъолияти худро тибқи эълонномаҳо ба ҳисоби миёнаи қурби 4,43 — 4,45 сомонӣ барои 1 доллари ИМА шурӯъ намуданд. Дар минтақаҳои ҷумҳурӣ бошад, қурби асъори хориҷӣ нисбат ба рӯзи гузашта бетағйир монд.Ёдовар мешавем, ки дар минтақаҳои ҷумҳурӣ 3 июн қурби асъори хориҷӣ ба ҳисоби миёна дар шаҳри Хуҷанд — 4,43 сомонӣ, дар шаҳри Қурғонтеппа — 4,40 сомонӣ, дар шаҳри Кӯлоб — 4,30 сомонӣ ва дар шаҳри Хоруғ — 4,33 сомониро барои 1 доллари ИМА ташкил дод.                 Рӯзҳои охир дар амалиётҳои додугирифти асъори хориҷӣ бештар афзудани талабот ба рубли Федератсияи Русия мушоҳида мешавад.