АЗ ШОМИЛШАВИИ ҶАВОНОН БА ҲИЗБҲОИ ИРТИҶОӢ ПЕШГИРӢ БОЯД КАРД

                    Душанбе, 5 июн. (АМИТ «Ховар», Ибодат Давлатова). — 6 июни соли равон дар маркази ҷумҳуриявии фарҳангии ҷавонон «Ориёно» дар мавзӯи «Баланд бардоштани ҳифзи худшиносии миллӣ ва пешгирии шомилшавии ҷавонон ба ҳизбу ҳаракатҳои иртиҷоӣ» бо донишҷӯён вохӯрӣ барпо мегардад.                    Чорабинии мазкур бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар якҷоягӣ бо раёсати танзиму анъана ва ҷашну маросимҳои Дастгоҳи иҷроияи Президенти Ҷумҳурии Тоҷикистон гузаронида мешавад.                    Тавре ба мухбири АМИТ «Ховар» аз маркази матбуоти Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд, дар он намояндагони Кумитаи мазкур, Вазоратҳои фарҳанг, маорифи ҶТ, Кумитаи давлатии амнияти миллии ҶТ ва кормандони сохторҳои маҳаллии Кумитаи ҷавонон аз шаҳрҳои Душанбе, Турсунзода, ноҳияҳои Рӯдакӣ, Варзоб, Ваҳдат, Ҳисор, Шаҳринав ва мудирони шуъбаҳои кор бо ҷавонони мактабҳои олии пойтахт иштирок хоҳанд кард.