АЗХУДКУНИИ ИНВЕСТИТСИЯ БЕҲТАР ШУД

                     Душанбе, 5 июн. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар моҳи январ — апрели соли 2009 инвеститсияи сармояи асосӣ аз ҳисоби ҳамаи манбаъҳои сармоягузорӣ ба маблағи 653140,4 ҳазор сомонӣ (бо нархҳои аслии амалкунанда) истифода карда шудааст, ки нисбати ҳамин давраи соли 2008 91325,8 ҳазор сомонӣ зиёд аст.                    Бояд тазаккур дод, ки 51, 7 фоизи ҳаҷми умумии инвеститсияҳои азхудкардашударо соҳаи энергетика ташкил медиҳад. Дар сохтмони иншоотҳои энергетикӣ 337681,6 ҳазор сомонӣ инвеститсияҳои сармояи асосӣ, аз ҷумла, аз ҳисоби маблағҳои буҷети давлатӣ ва худи корхонаю ташкилотҳо 135476,8 ҳазор сомонӣ ё 40,1 фоз ва аз ҳисоби қарзҳои хориҷӣ 202204,8 ҳазор сомонӣ аз худ карда шудаанд.