БАРРАСИИ МАСЪАЛАИ ТУРИЗМИ ИДМ ДАР ШАРОИТИ БӮҲРОНИ МОЛИЯВӢ-ИҚТИСОДӢ

                   Душанбе, 8 июн. (АМИТ «Ховар», Бекназари Абӯбакр). — 10 июни соли ҷорӣ дар шаҳри Мински Ҷумҳурии Белоруссия ҷаласаи Шӯрои туризми кишварҳои узви Иттиҳоди давлатҳои мустақил (ИДМ) баргузор мегардад, ки дар он аз ҷониби Тоҷикистон раиси Кумитаи ҷавонон, варзиш ва сайёҳии назди Ҳукумати ҶТ Маликшо Неъматов иштирок мекунад.                    Аз маркази матбуоти Кумитаи ҷавонон, варзиш ва сайёҳии ҷумҳурӣ ба АМИТ «Ховар» хабар доданд, ки дар ҷаласаи мазкур масъалаҳои марбут ба рушди туризми кишварҳои ИДМ дар шароити бӯҳрони молиявӣ-иқтисодии ҷаҳонӣ ва омода намудани мутахассисони соҳа дар давлатҳои аъзо мавриди баррасӣ қарор хоҳанд гирифт.                    Гуфтанист, ки Маликшо Неъматов дар доираи ин сафараш ба Минск бо донишҷӯён ва ҷамъияти тоҷикони Белоруссия мулоқот хоҳад кард.