БЕМОРХОНА БО КӮМАКИ АМРИКО ТАЪМИР ГАРДИД

                   Душанбе, (АМИТ «Ховар», Лаззат Диловарзод).- Моҳи апрели соли ҷорӣ аз ҷониби Вазорати мудофиаи ИМА барои таъмири шӯъбаи ёрии таъҷилии беморхонаи марказии ноҳияи Қумсангир 16 ҳазор доллар ҷудо карда шуд,- иброз дошт роҳбари маркази матбуотии раиси ноҳия ба мухбири АМИТ «Ховар».                  Таъмири беморхона аз ҷониби ширкати маҳаллии «Дӯстӣ- компания» бо дастгирии молиявии ҳарбиёни Амрико оид ба корҳои шаҳрвандӣ аз таъмир бароварда шуд.                  Дар назар аст, ки Вазорати дифои ИМА оид ба корҳои шаҳрвандӣ барои таъмири мактаб- интернати ноҳияи Қумсангир маблағи заруриро таъмин намуда, дар амалисозии панҷ лоиҳаи дигар кӯмаки молиявӣ расонад.