ДАНДОНПИЗИШКОН БАҲОИ БАЛАНД ГИРИФТАНД

                   Душанбе, 16 июн. (АМИТ «Ховар», Лаззат Диловарзод).- Ҳафтаи сипаришуда дар шаҳри Душанбе бо дастгирии Ҳукумати Ҷумҳурии Тоҷикистон дуюмин съезди духтурони дандонпизишкӣ (стоматологҳо) баргузор гардид. Дар кори съезд беш аз 500 намояндагони соҳа ширкат варзиданд.                    Бино ба гуфти котиби матбуотии Вазорати тандурустӣ Фотима Яқубова, дар давоми 2 рӯзи кори съезд масъалаҳои муҳимтарини афзалиятдоштаи дандонпзишкӣ дар Ҷумҳурии Тоҷикистон маврди муҳокима қарор ёфт.                   Дар кори съезд олимони шинохтаи соҳа аз давлатҳои Италия, Германия, Полша, Украина, Федератсияи Россия ва дигар шаҳрҳои Иттиҳоди Давлатҳои Мустақил ширкат варзиданд.                   Дар чаҳорчӯбаи баргузории съезд намоишгоҳи дуюми байналмилалии тахассусии дандонпзишкӣ баргузор шуд, ки дар он санъати баланди ороиши дандон аз металл ва дигар маводҳои дандонсозӣ намош дода шуд.                   Кори съездро ширкатҳои «Colgate», ҶММ«Sino farma» ва «medical inctrument Go. Ltd» Ҷумҳурии Мардумии Чин маблағгузорӣ намуданд.