ДАР ДУШАНБЕ МАРКАЗИ ХИЗМАТРАСОНИИ ПОЙТАХТ КУШОДА ШУД
Душанбе, 2 июн. (АМИТ «Ховар», Наргис Бояхмедова).- Имрӯз дар шаҳри Душанбе дар кӯчаи Мирзо Турсунзода Маркази хизматрасонии пойтахт кушода шуд. Дар маросими ботантанаи ифтитоҳи он Президенти Ҷумҳурӣ Эмомалӣ Раҳмон иштирок намуд. Мухбири АМИТ «Ховар» хабар медиҳад, ки сохтмони марказ моҳи декабри соли 2007 шурӯъ гардида буд. Сохтмони он дар давоми 14 моҳ ба охир расид. Дар ошёнаҳои якуму дуюми марказ мағозаҳои гуногун ҷой дода шудаанд, ҳуҷраҳои ошёнаҳои 3, 4 ва 5-ум ба иҷора дода мешаванд. Дар таҳхонаи бино ресторан ҷой гирифтааст. Дар боми он боз як ресторани зимистона ва ду ресторани тобистона бунёд карда шудаанд. Масоҳати умумии бино 8 ҳазору 242 метри мураббаъ мебошад. Барои сохтмони он 22 миллион сомонӣ сарф шуд. Аз ин маблағ 5 миллион сомонӣ барои харидани асбобу анҷом ва таҷҳизоти зарурӣ сарф карда шуд. Дар сохтмони бинои марказ 200 нафар коргар кор мекард. Баъди пурра ба истифода додани марказ 600 нафар бо кор таъмин карда мешавад. Бояд гуфт, ки маркази мазкур бо маблағи соҳибкорону тоҷирон сохта шудааст.
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
