ДАР ПОЙТАХТ БАРНОМАИ БАРЎЙХАТГИРИИ АҲОЛӢ ВА БАҚАЙДГИРИИ ФОНДИ МАНЗИЛ ШУРЎЪ МЕШАВАД

                    Душанбе, 9 июн. (АМИТ «Ховар», Лутфия Эшонқулова).- Мувофиқи барномаи тадбирҳои тайёрӣ ба рӯйхатгирии аҳолӣ ва баҳисобгирии фонди манзил аз 12 августи соли равон сар карда ҳамаи биноҳои истиқоматӣ ва маъмурии пойтахти мамлакат ба қайд гирифта мешаванд. Директори Кумитаи омори шаҳри Душанбе Асомиддин Насриддинов ба АМИТ «Ховар» хабар дод, ки бо ин мақсад дар рӯзҳои наздик дар Кумитаи омор семинарии омӯзишӣ барои онҳое, ки дар ин ҷорабинӣ иштирок мекунанд баргузор мегардад. Ў қайд намуд, ки айни ҳол нақшаи пешакӣ омода гардида, номи кӯчаҳо, хиёбонҳо ва рақами биноҳо ба тартиб оварда шудаанд.                   Аз рӯи маълумотҳои пешакӣ дар пойтахт 631 куча, гузаргоҳ ва хиёбон мавҷуд аст. Дар ин кӯчаҳо қариб 35 ҳазор биноҳои давлатӣ ва хонаҳои шахсӣ мавҷуданд, ки дар онҳо 707,5 ҳазор нафар зиндагӣ мекунад.