ДАСТАҲОИ ҲУНАРИИ НОҲИЯИ ШАҲРИНАВ ДАР ПОЙТАХТ

                          Душанбе, 2 июн. (АМИТ «Ховар», Лутфия Эшонқулова).- Бо ташаббуси Вазорати фарҳанги ҷумҳурӣ дар Боғи набототи пойтахт давоми сол консертҳои тамоми дастаи ҳунарии шаҳру навоҳии тобеи ҷумҳурӣ ва пойтахт намоиш дода мешаванд.                            Бо ин мақсад, 7 июн барномаи консертии дастаҳои ҳунарии ноҳияи Шаҳринав доир мегардад.                           Дар он намунаи маҳсули дастони устоҳои халқӣ, аз ҷумла кандакорӣ, сўзанӣ, дуредгарӣ, заргарӣ, оҳангарӣ, қӯроқдўзӣ, нонпазӣ, таомпазӣ, гулдўзиву рассомӣ пешкаши тамошобинон гардонда мешавад.                           Ғайр аз ин, дастаҳои ҳунарии ноҳия барномаи махсуси театркунонидашударо намоиш медиҳанд.                          Дар доираи консерт маҳсулоти кишоварзони ноҳия бо нархи арзон пешкаши сокинони пойтахт гардонида хоҳад шуд.                         Дар он намояндагони мақомоти иҷроияи ҳокимияти давлатии ноҳия, раисони ҷамоатҳо ва аҳли илму адаби ноҳия ширкат меварзанд.                        Дар ин бора ба мухбири АМИТ «Ховар» аз маркази матбуоти Вазорати фарҳанг хабар доданд.