ДОЛЛАР БА БОЛОВУ РУБЛ БА ПОЁН?

                Душанбе, 4 июн. (АМИТ «Ховар», Бекназари Абӯбакр). — 3 июн, дар давоми рӯз қурби миёнаи хариду фурӯши доллари ИМА дар нуқтаҳои мубодилаи асъори шаҳри Душанбе каме боло рафта, ба ҳисоби миёна 4,43 — 4,45 сомониро ташкил дод.                Дар бозори байнибонкӣ амалиётҳо бо доллар ва евро дар ҳудуди 4,41 ва 6,10 сомонӣ амалӣ гашта, қурби 10 рубли русӣ бошад, то ба 1,45 сомонӣ паст гардид.               Мавриди ёдоварист, ки маркази матбуоти Бонки миллии Тоҷикистон субҳи 3 июн иттилоъ дода буд, ки амалиётҳои хариду фурӯши доллари ИМА дар асоси эълонномаҳои нуқтаҳои мубодилаи асъори пойтахт бо қурби миёнаи 4,40 — 4,42 сомонӣ сурат гирифта, он бетағйир боқи монд.