ГАНҶИНАИ ДАСТХАТҲОИ КИТОБХОНА ҒАНИТАР МЕГАРДАД

                 Душанбе, 11 июн. (АМИТ «Ховар», Лутфия Эшонқулова).-Имрӯз, дар Китобхонаи миллии Тоҷикистон ба номи Абулқосим Фирдавсӣ маросими шиносоӣ бо китобҳои нав ва нусхаҳои хаттие баргузор гардид, ки китобхона онхоро дар давоми як соли охир харидорӣ намудааст. Ба ҳозирон қариб 40 китоби дастхат ва чопи сангӣ пешниҳод карда шуд, ки қисми зиёди онҳо дар асрхои 17-18 китобат шудаанд. Китобҳои мазкур аҳамияти илмӣ ва таърихӣ дошта бо забони соддаю равони тоҷикӣ навишта шудаанд ва ҳамчун сарчашмаи нодири мероси ниёгон метавонанд хизмат кунанд.                Мудири шӯъбаи мероси хаттии китобхона Абдуллоҷон Юнусов зикр намуд, ки айни ҳол дар китобхонаи миллӣ зиёда аз 2 ҳазор китобҳои дасхат ва чопи сангӣ мавҷуд аст. Умуман дар ҷаҳон миқдори ин китобҳо 200 хазор нусхаро ташкил медиҳад.