ГУРҶИСТОН ДАР ИҶРОИ СОЗИШНОМАҲОИ БАЙНАЛХАЛҚИИ ИДМ ИШТИРОК МЕНАМОЯД

                   Маскав, 6 июн. (АМИТ «Ховар», Ҳалима Хушқадамова).- Гурӯҳи коршиносони ИДМ дар шаҳри Минск масъалаи иштироки Гурҷистонро дар созишномаҳои байналхалқӣ ва қарорҳои мақомоти ИДМ муҳокима намуд. Гурҷистон баъди хориҷ гардиданаш аз ҳайати ИДМ изҳор намуд, ки дар иҷрои 76 созишномаи дар доираи Иттиҳод қабул гардида иштирок хоҳад кард. Коршиносон зикр менамоянд, ки барои ин ягон монеаи ҳуқуқӣ ва қонунӣ вуҷуд надорад.                    Вазорати корҳои хориҷии Гурҷистон 18 августи соли 2008 ба Кумитаи иҷроияи ИДМ ёддошт фиристода изҳор намуд, ки Гурҷистон аз ҳайати ИДМ хориҷ мегардад. Тибқи қоидаи қабулшуда ҳар мамлакат ҳақ дорад, ки аз ҳайати ИДМ хориҷ гардад. Барои ин 12 моҳ пеш хабар додан лозим аст. Вале мамлакати хориҷшаванда иштирокашро дар созишномаю қарорҳои қабулнамудаи ИДМ то пурра иҷро шудани онҳо давом медиҳад.