ИШТИРОКЧИЁНИ МАРАФОНИ ИДОНА БА ДУШАНБЕ ОМАДАНД

                  Душанбе, 23 июн. (АМИТ «Ховар», Кристина Эрлих).- Имрӯз дар Душанбе бо иштироки раиси Кумитаи кор бо ҷавонон, варзиш ва сайёҳии назди Ҳукумати Ҷумҳурии Тоҷикистон Маликшо Неъматов нишасти матбуотӣ баргузор гардид. Нишасти матбуотӣ ба муносибати Рӯзи байналхалқии олимпӣ бахшида шуд. Марафони идона 13 июн аз ноҳияи Мурғоб сар шуда буд ва то 27 июн давом мекунад. Иштирокчиёни марафони идона имрӯз ба Душанбе омаданд. Онҳо то шаҳри Душанбе масофаи 700 километрро тай карданд. Иштирокчиёни марафон 27 июн ба Хуҷанд рафта, парчами миллии Тоҷикистонро ба президенти мамлакат Эмомалӣ Раҳмон месупоранд.                   Марафончиён баъди ид дар Қайроққум 3 рӯз истироҳат мекунанд. Ба онҳо тӯҳфаҳои хотиравӣ супорида мешавад.                   Мухбири АМИТ «Ховар» хабар медиҳад, ки варзишгарон аз Мурғоб то Хуҷанд масофаи 1412 километрро тай хоҳанд кард. Онҳо зимни марафон дар шаҳру ноҳияҳои гуногун бо аҳолии маҳаллӣ мулоқоту сӯҳбатҳо мегузаронанд.                                                                                          Тарҷумон Зебо Иноятова