КОНСЕРТИ ҲИСОБОТИИ МАҚОМХОНОНИ ҶАВОН

               Душанбе, 12 июн. (АМИТ «Ховар», Тахмина Ғоибназарова).- 15 июн дар Театри давлатии академии опера ва балети ба номи Садриддин Айнӣ консерти ҳисоботии мусиқии классикии Мақом баргузор мегардад. Барномаи консерт аз асарҳои мусиқии классикии «Шашмақом» иборат буда, 18 сурудро дар бар мегирад. Дар консерт асосан аспирантҳои Академияи Мақом ва хатмкунандагони мактаби «Шашмақом» ширкат хоҳанд варзид. Ба онҳо баъди консерт дар бораи хатми Академия ва мактаб сертификат дода хоҳад шуд.  Шогирдони академия ва мактаби Мақом дар давоми 4 сол асосҳои мақомхонӣ, вазни арӯз, усулҳои навохтани асбобҳои мусиқӣ, аз ҷумла доира ва танбӯрро омӯхтанд. Ин як навъ ҳисоботи эҷодии шогирдони Академия ва мактаби мақомхонон мебошад.                Мухбири АМИТ «Ховар» ёдовар мешавад, ки дастпарварони Академияи Мақом соли 2006 барои ҳунари волои худ ҷоизаи санъати «Греми»-ро соҳиб гардида буданд. Онҳо ҳамон вақт дар давоми 74 дақиқа бе танаффус бештар аз 25 оҳанги мақом ва ғазалро суруданд.                                                                               Тарҷумон Қудратов А.