КЎМАК БА СОКИНОНИ ХУРОСОН

                   Душанбе, 8 июн. (АМИТ «Ховар», Наргис Бояхмедова).-Раёсати кӯмакҳои башардӯстонаи Департаменти давлатии ИМА ба сокинони ноҳияи Хуросон кӯмаки таъҷилӣ расонд, ки бар асари боришоти шадиди фасли баҳори имсола зарари калони моддӣ дида буданд. Аз сафоратҳонаи ИМА дар Тоҷикистон ба АМИТ «Ховар хабар доданд, ки ҳукумати ИМА ба сокинони 3 деҳаи ҷамоати Айнии ноҳияи Хуросон ба маблағи 233 ҳазору 780 доллари ИМА кӯмаки хайрия расонд. Кӯмаки хайрияи аз 3 хайма, сад кати хоб, 160 халтабистар, 600 даста ҷиҳози хоб, 100 кӯрпаи пахтагин, 200 раскладушка, 500 кампал, 1000 дона кампали махсуси тиббӣ, 100 чироғи фонар, 100 сатил ,10 канистра барои нигоҳ доштани об ва 400 сачоқ иборат аст.