КЎМАКИ ҲУКУМАТИ ИМА БА ТОҶИКИСТОН

                  Душанбе, 11 июн. (АМИТ «Ховар», Наргис Бояхмедова).- Ҳукумати Иёлоти Муттаҳидаи Амрико ба Тоҷикистон барои тармими куллии бинои Омӯзишгоҳи ҳарбии сарҳадбонони Кумитаи давлатии амнияти миллӣ ба маблағи 2,5 миллион доллар кӯмак расонд. Тармими биноҳои омӯзишгоҳ дирӯз, 10 июн оғоз ёфт. Ба ин муносибат дар ин ҷамъомад баргузор гардид. Дар он сардори Раёсати умумии артиши марзбони Тоҷикистон Шералӣ Мирзо, сафири ИМА дар Тоҷикистон Трейсӣ Энн Ҷэйкобсон ва сафири Туркия дар Тоҷикистон Мир Оқиф Ойхон ширкат варзиданд.                 Мухбири АМИТ «Ховар» хабар медиҳад, ки бо маблағи кӯмаки ҳукумати ИМА биноҳои фарсудаи омӯзишгоҳ вайрон карда, ба ҷои онҳо ошхона, толори барҳавои варзишӣ, гараж, шабакаи гармидиҳӣ ва хобгоҳ сохта мешаванд. Инчунин барои синфхонаҳо асбобу анҷоми зарурӣ ва мебел харида хоҳад шуд. Тармими куллии омӯзишгоҳ тибқи нақша моҳи феврали соли 2010 ба охир мерасад.                 Тармими онро коргёарону мутахассисони ширкати «Боздемир иншоот ва муҳандислик»-и Туркия ба зимма гирифтаанд. Дар натиҷаи тармими омӯзишгоҳ шароити таҳсилу истироҳати шогирдони он хеле беҳтар хоҳад гашт. Тарҷумон Қудратов А.