МАҚОМОТИ МИСР ШАҲРВАНДОНИ РУСИЯРО БА ҲАБС ГИРИФТАНД

                          Қоҳира, 2 июн. (АМИТ «Ховар», ИТАР ТАСС).- Мақомоти амниятии Миср то имрӯз 25 донишҷӯи Русияро дар маҳбас нигоҳ медоранд. Аз рӯи хабарҳои расида, 13 нафари онҳо аз қаламрави Миср ронда мешаванд. Дар ин бора аз шӯъбаи консулгарии сафоратхонаи Русия дар Қоҳира хабар доданд.                         Тибқи хабарҳои расида, шаби 27 май 37 нафар шаҳрванди Русия дар Қоҳира дастгир карда шуд.                          Шаҳрвандони Русия, ки қаламрави Мисрро тарк мекунанд, бояд хароҷоти роҳу нақлиётро аз ҳисоби худ пардозанд. Донишҷӯёни озодшуда нақл карданд, ки кормандони политсия онҳоро на танҳо дар хобгоҳ, балки дар кӯчаҳо таъқиб намуда ва дастгир кардаанд. Қисми зиёди донишҷӯёни дастгиршуда шаҳрвандони Чеченистон, Иристони Шимолӣ, Доғистон, Тотористон ва Қалмиқистон буда, донишҷӯёни Донишгоҳи Алазҳор мебошанд.