МАҶЛИСИ ШӮРОИ МУДИРОНИ БОНКИ РУШДИ ИСЛОМӢ

                     Душанбе, 3 июн. (АМИТ «Ховар», Ибодат Давлатова). — Рӯзҳои 2-3 июни соли ҷорӣ дар Ашқобод маҷлиси 34-уми Шӯрои мудирони Бонки рушди исломӣ баргузор гардид.                     Дар он ҳайатҳои 50 кишвари аъзои Бонки рушди исломӣ, аз ҷумла кишварҳои Осиёи Марказӣ — Озарбойҷон, Қазоқистон, Тоҷикистон, Ӯзбекистон, Қирғизистон, кишварҳои Африқо ва баъзе кишварҳои Араб иштирок доштанд.                     Аз Тоҷикистон дар ин маҷлис вазири рушди иқтисод ва савдои мамлакат Ғуломҷон Бобозода ва раиси Бонки миллии Тоҷикистон Шариф Раҳимзода иштирок намуданд.                    Иштирокчиёни маҷлис масъалаҳои марбут ба рушди минбаъдаи иқтисодию иҷтимоии кишварҳои узви БРИ ва нақшаҳои ояндаи ҳамкориро муҳокима карданд.