МУҲОКИМАИ ПРОБЛЕМАҲОИ СОҲАИ ТУРИЗМ ДАР ШАРОИТИ БЎҲРОНИ ИҚТИСОДӢ

                   Маскав, 10 июн. (АМИТ «Ховар», Ҳалима Хушқадамова).- Имрӯз дар шаҳри Минск маҷлиси навбатии Шӯрои туризми давлатҳои иштирокдори Созишномаи ҳамкорӣ дар соҳаи туризм кушода мешавад. Дар он масъалаҳои рушди соҳа дар мамлакатҳои ИДМ дар шароити бӯҳрони ҷаҳонии молиявӣ, ҳамкорӣ дар соҳаи тайёр кардани кадрҳо ва ғайра муҳокима карда мешаванд. Инчунин, дар маҷлис раиси нави Шӯрои туризм интихоб карда, ҷараёни иҷрои қарори Шӯрои сарони ҳукуматҳои ИДМ аз 22 майи соли равон дар бораи нақшаи тадбирҳои аввалиндараҷа дар соҳаи ҳамкории гуманитарӣ мавриди баррасӣ қарор дода хоҳад шуд.