МУЛОҚОТИ ҲАМРОХОН ЗАРИФӢ БО КОМИССАРИ ОЛИИ САҲА
Душанбе, 3 июн. (АМИТ «Ховар», Наргис Бояхмедова).- Вазири корҳои хориҷии ҷумҳурии Тоҷикистон Ҳамрохон Зарифӣ 2 июн бо комиссари олии Созмони амнияту ҳамкории Аврупо дар масъалаи ақаллиятҳои миллӣ Кнут Воллебек мулоқот кард. Ҳамрохон Зарифӣ зимни мулоқот изҳор намуд, ки қонуни амалкунандаи ҷумҳурии Тоҷикистон ба миллатҳои хурд озодии интихоби забони мубошират, таҳсил, ба даст воардани иттилоот ба забони модарӣ ва озодии имонро кафолат додааст. Қайд карда шуд, ки мақоми ҳуқуқии миллатҳои хурд дар Ҷумҳурии Тоҷикистонро Конститутсияи ҷумҳурӣ, қонунҳои дигари амалкунандаи дохилӣ, инчунин муоҳидаҳои байналхалқӣ, аз ҷумла Аҳдномаи байналхалқӣ дар бораи барҳам додани ҳамаи шаклҳои табъизи нажодӣ муайян менамоянд. Комиссари олии САҲА изҳор намуд, ки ҳамкории самарабахш бо Тоҷикистон роҷеъ ба самтҳои гуногуни фаъолияти созмон давом дода хоҳад шуд. Вай зикр намуд, ки САҲА ба Тоҷикистон дар таҳияи лоиҳаи нави қонун ҳамаҷониба кӯмак мерасонад. Мусоҳибон нақшаҳои ояндаи ҳамкории Тоҷикистонро бо қароргоҳи Комиссари олии САҲА дар масъалаи ақаллиятҳои миллӣ мавриди баррасӣ қарор доданд.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
