МУЛОҚОТИ САРВАЗИР БО ҲАЙАТИ ГУРЎҲИ ЕВРАЗИЯ
Душанбе, 2 июн. (АМИТ «Ховар», Наргис Бояхмедова).- Сарвазири ҷумҳурӣ Оқил Оқилов имрӯз бо ҳайати гурӯҳи Евразия мулоқот кард. Зимни мулоқот масъалаҳои мубориза ба муқобили аз худ кардани даромади ғайриқонунӣ бадастомада муҳокима шуданд. О. Оқилов зикр кард, ки Ҳукумати Тоҷикистон айни ҳол барои мувофиқ сохтани қонунҳои мамлакат ба талаботи мубориза ба муқобили аз худ намудани даромади ғайриқонунӣ ва амалӣ сохтани нақшаи ислоҳот дар соҳаҳои гуногуни иқтисодиёт кӯшиш ба харҷ медиҳад. Бо ин мақсад Президенти Ҷумҳурӣ барои тартибу таҳияи санадҳои меъёрию ҳуқуқӣ гурӯҳи махсуси корӣ ташкил дод, гуфт сарвазир.Оқил Оқилов изҳор намуд, ки барои таҳияи лоиҳаи Қонун «Дар бораи мубориза ба муқобили қонунӣ гардондани даромадҳои бо роҳҳои ҷиноӣ бадастовардашуда ва терроризми молиявӣ» аз ҷумлаи кормандони варзида, гурӯҳи махсус ташкил карда шудааст. Сарвазир Гурӯҳи Евразияро даъват намуд, ки барои таҳияи қонуни мазкур маслиҳату машварат дода, кӯмаки техникӣ расонад.
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
