Н. САЛИМОВ ЗАРАРДИДАГОНИ ХУРОСОНРО ДАСТГИРӢ МЕКУНАД

                   Душанбе, 3 июн. (АМИТ «Ховар», Ибодат Давлатова). — Тибқи супориши Ҳукумати Ҷумҳурии Тоҷикистон ва бо фармони Вазири тандурустии мамлакат Нусратулло Салимов дар рӯзи байналмилалии ҳифзи кӯдакон — 1 июн 30 нафар кӯдакон аз оилаҳои зарардидаи ҷамоати Айнии ноҳияи Хуросони вилояти Хатлон ба санаторияи ҷумҳуриявии кӯдаконаи бемориҳои тарбоди «Ҳушёрӣ», воқеъ дар ноҳияи Варзоб барои табобат оварда шуданд.                  Тавре аз маркази матбуоти Вазорати тандурустии Ҷумҳурии Тоҷикистон хабар доданд, дар назар аст, ки рӯзҳои наздик боз 30 нафар кӯдакони ин ноҳия барои табобат оварда мешаванд.                  Барои табобат ва барқарорсозии саломатии ин кӯдакон ҳамаи шароитҳо муҳайё мебошанд.