НАМОИШГОҲИ БАЙНАЛХАЛҚИИ «ИнтерЛегПром»

                    Душанбе, 5 июн. (АМИТ «Ховар», Ибодат Давлатова). — Аз 11 то 15 июни соли ҷорӣ дар Душанбе 4-умин намоишгоҳ-фурӯшгоҳи Байналхалқии «ИнтерЛегПром» барпо мегардад. Дар ин бора дар нишасти матбуотии Палатаи савдо ва саноати Ҷумҳурии Тоҷикистон хабар доданд.                   Намоишгоҳ дар маҷмааи давлатии «Кохи Борбад» бо дастгирии Ҳукумати Ҷумҳурии Тоҷикистон ва Палатаи савдо ва саноати Ҷумҳурии Тоҷикистон гузаронида мешавад.                    Тавре иштирокчиёни нишаст иброз намуданд, намоишгоҳ бахшида ба рӯзи коргарони саноати сабуки Тоҷикистон баргузор мегардад, ва дар он ширкатҳои Тоҷикистон, Эрон инчунин дар назар аст, ки ширкатҳои Русия ва Туркия ширкат варзанд.