НАМОЯНДАГОНИ ҶТ ИНТИХОБОТИ КИШВАРИ ҲАМСОЯРО МУШОҲИДА МЕНАМОЯНД

                  Душанбе, 9 июн.(АМИТ «Ховар», Марзия Саидова).-18 нафар намояндагони Ҷумҳурии Тоҷикистон ба ҳайси нозири байналмилалӣ дар интихоботи президентӣ дар Қирғизистон, ки 23 июл баргузор мешавад иштирок менамоянд. Дар ин хусус ба АМИТ «Ховар» роҳбари дастгоҳи Комиссияи марказии интихобот ва раъйпурсии Ҷумҳурии Тоҷикистон Муҳибулло Додоҷонов иттилоъ дод.                  Намояндагони Тоҷикистон, ки аксаран аз вилояти Суғд мебошанд ҷараёни баргузории интихоботи президентиро дар ноҳияҳои наздисарҳадии Қирғизистон, хусусан қитъаю ҳавзаҳои интихоботии ноҳияҳои вилояти Боткентро мушоҳида менамоянд.                 Бояд тазаккур дод, ки алҳол дар Қирғизистон 7 номзад ба мансаби президентӣ пешбарӣ шудааст, ки яке аз онҳо Президенти кунунии ин кишвар Қурмонбек Боқиев аст.