НОЗИРОНИ РОҲ БА НАЗДИ МАКТАББАЧАГОН МЕРАВАНД

                    Душанбе, 16 июн. (АМИТ «Ховар», Жасмин Назарова). — Мувофиқи қарори Ҳукумати Ҷумҳурии Тоҷикистон таҳти рақами 584 аз 2 декабри соли 2008 «Дар бораи ташкили истироҳати тобистонаи кӯдакон ва наврасон дар соли 2009» ва қарори раиси шаҳри Душанбе таҳти рақами 252 аз 12 маи соли 2009 «Дар бораи ташкили истироҳати тобистонаи кӯдакон ва наврасони шаҳри Душанбе дар соли 2009» дар беш аз 38 мактабҳои миёнаи умумии шаҳри Душанбе майдончаҳои тандурустӣ ташкил карда шудааст.                   Тибқи иттилои сардори маркази матбуоти БДА подполковник Шерафган Латифов, бо мақсади пешгирӣ намудани ҳодисаҳои нохушии нақлиётӣ, зери чархи воситаҳои нақлиёт намондани кӯдакону наврасон аз тарафи кормандони шӯъбаи Бозрасии давлатии автомобилии раёсати корҳои дохилаи шаҳри Душанбе бо мактаббачагон мунтазам сӯҳбату вохӯриҳо гузаронида мешаванд.