ОЗМУНИ КОРХОНАҲОИ БЕҲТАРИН ДАВОМ ДОРАД

                   Душанбе, 30 июн. (АМИТ «Ховар», Кристина Эрлих).- Имрӯз дар Агентии «Тоҷикстандарт» маросими супоридани ҷоизаҳо ба 21 корхонаи шаҳри Душанбе ва ноҳияҳои тобеи марказ баргузор гардид, ки маҳсулоти худро ба озмуни «Молҳои беҳтарини Ҷумҳурии Тоҷикистон» пешниҳод карда буданд. Дар озмун умуман 35 корхона иштирок дошт. Дар байни онҳо корхонаҳои «Шириниҳои Шарқ», «Корхонаи шири Душанбе», «Шоҳона», «Ширин», «Нафиса», «Гулистон» ва «Тоҷиксемент» ба озмуни хотимавӣ роҳхат гирифтанд. Ба намояндагони ин корхонаҳо диплом ва ба ҳамаи иштирокчиёни озмун ифтихорномаҳо супорда шуданд. Корхонаҳои зикршуда рӯзҳои 24-25 июл дар озмуни ҷумҳуриявӣ иштирок хоҳанд кард.