ПАҲЛАВОНОНИ БЕҲТАРИНРО ДАР ҶИРГАТОЛ ИНТИЗОРАНД

                     Душанбе, 16 июн. (АМИТ «Ховар», Ибодат Давлатова). — Бахшида ба Рӯзи Ваҳдати Миллӣ Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон баргузории силсилаи чорабиниҳои оммавию фарҳангӣ ва варзиширо ба нақша гирифтааст.                    Тавре аз маркази матбуоти Кумитаи ҷавонон хабар доданд, 27-28 июни соли равон Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи маҳаллии ҳокимияти давлатӣ дар ноҳияи Ҷиргатол дар асоси нақшаи Тақвими ягонаи чорабиниҳои оммавӣ, варзишӣ, солимгардонӣ ва иштирок дар мусобиқаҳои байналмилалӣ дар соли 2009, бо мақсади тарғиби гӯштини миллӣ Чемпионати инфиродии Ҷумҳурии Тоҷикистонро оид ба гӯштини миллӣ бахшида ба Рӯзи Ваҳдати Миллӣ баргузор менамояд.