ПРЕЗИДЕНТИ ҶУМҲУРӢ БА НОҲИЯИ БОХТАР ОМАД

                 Бохтар , 9 июн. (АМИТ «Ховар», Фарангис Раҳимова).- Президенти Ҷумҳурии Тоҷикистон Эмомалӣ Раҳмон имрӯз зимни сафар ба вилояти Хатлон ба ноҳияи Бохтар омад. Ў дар ин ҷо бо фаъолияти хоҷагии сабзавоткории деҳаи Ғайрати ҷамоати Заргар шинос шуд. Хоҷагии мазкур 6 ҳазору 150 гектар замин дорад, ки 4476 гектари он замини обёришаванда аст. Дар ин ҷо дар масоҳати 196 гектар дар зери пардаи полиэтиленӣ навъҳои гуногуни сабзавоти барвақтӣ парвариш карда мешавад.                 Мухбири АМИТ «Ховар» хабар медиҳад, ки аъзои хоҷагӣ то 1 июн 844 тонна помидор, 1271 тонна бодиринг, 26 тонна гулкарам ва 38 тонна карам ҷамъ оварданд. Дар деҳаи Ғайрат айни ҳол 176 гармхона мавҷуд аст, ки масоҳати он 11 гектарро ташкил медиҳад. Дар ин гармхонаҳо 451 нафар кор мекунад.                 Аз хоҷагии мазкур ҳар рӯз ба муассисаҳои савдо ва бозор 10-15 тонна сабзавот фиристода мешавад. Сарвари давлат бо сокинони деҳоти ҷамоат мулоқот карда, зарурати ривоҷ додани соҳаи занбӯрпарвариро таъкид намуд.                                                                                                       Тарҷумон Қудратов А.