ПРЕЗИДЕНТИ ҶУМҲУРӢ ДАР НОҲИЯИ САРБАНД

                 Душанбе, 10 июн. (АМИТ «Ховар», Фарангис Рахимова).- Президенти Ҷумҳурии Тоҷикистон Эмомалӣ Раҳмон баъди чошти дирӯз дар шаҳри Қӯрғонтеппа дар маросими ба истифода додани корхонаи собунпазӣ ширкат варзид. Корхонаро соҳибкори тоҷик Аловиддин Соҳибназаров ҳамроҳи яке аз соҳибкори афғон бо маблағи 450 ҳазор доллари ИМА сохтаанд. Корхона дар як сол 4 ҳазор тонна маҳсулот мебарорад.                   Алҳол дар ин ҷо 105 нафар кор мекунад.                  Президенти Ҷумҳурӣ Эмомалӣ Раҳмон баъди анҷоми маросими кушодани корхонаи собунпазӣ дар шаҳри Қурғонтеппа ба ноҳияи Сарбанд рафт. Ў дар ин ҷо дар маросими ифтитоҳи корхонаи орд ширкат варзид, ки иқтидори солонаи он 30 ҳазор тонна мебошад. Корхонаи мазкурро Ҷамъияти саҳомии «Нури Дилшод» бунёд намудааст.                  Ҳоло дар корхонаи нав 90 сокини маҳаллӣ бо кор таъмин карда шудааст. Дирӯз инчунин дар ин ҷо мактаби нави таҳсилоти умумии № 13 ба истифода дода шуд. Мактабро Фонди миллии иҷтимоии сармоягузории Тоҷикистон ба маблағи бештар аз 1 миллион сомонӣ бунёд намуд.                                                                                               Тарҷумон Қудратов А.