РОҲИ ОҲАН НАҚШАРО 104 ФОИЗ ИҶРО НАМУД

                     Душанбе, 8 июн. (АМИТ «Ховар», Лаззат Диловарзод).- Бино ба маълумоти расмии КВД «Роҳи оҳани Тоҷикистон», дар соли ҷорӣ ҳаҷми боркашонӣ нисбат ба ҳамин давраи соли 2008 104, 4 фоиз зиёд шуда, тавассути роҳи оҳан 4 млн. 511 ҳазор тонна бор кашонида шудааст.                      Ҳаҷми боркашонӣ аз рӯи қитъаҳои Корхонаи воҳиди давлатии «Роҳи оҳани Тоҷикистон» дар қитъаи вилояти Суғд 3 млн. 310,1 ҳазор тонна ё 73,4 фоизи ҳаҷми умумии боркашонӣ, дар қитъаи Душанбе дар якҷоягӣ бо ноҳияҳои тобеи ҷумҳурӣ 994,3 ҳазор тонна ва дар вилояти Хатлон 206,6 ҳазор тонна ё 4, 6 фоизро ташкил медиҳад.                    Дар давоми 4 моҳи сои ҷорӣ дар нақлиёти роҳи оҳан 5,6 ҳазор қатора мол бор карда, 28, 1 ҳазор қатора аз бор холӣ карда шудааст.