САҲМИ «ТАЛКО» ДАР ИҚТИСОДИ КИШВАР БУЗУРГ АСТ

                        Душанбе, 1 июн. (АМИТ «Ховар», Лаззат Диловарзод).- Бино ба гуфти раиси бонки миллӣ Шариф Раҳимзода, «ТАЛКО» ҳамчун иншооти стратегӣ дар иқтисодиёти ҷумҳурӣ аз аҳамият холӣ нест. Пардохти пули ширкати алюминии тоҷик ба буҷети давлат ва суратҳисобҳои корхонаҳои ватанӣ дар соли 2008 бештар аз 870 миллион сомониро ташкил дод. Ин дар суратест, ки истеҳсоли алюминий дар соли 2008 ба 400 ҳазор тонна расонида шудааст.                         Соли 2008 аз ҳисоби ширкат 286 млн. сомонӣ андоз, 102 млн. сомонӣ музди меҳнат, 360 млн. сомонӣ пардохти истифодаи барқ, 43 млн.сомонӣ пардохти қарзи «Тоҷикгаз» ва 57 млн.сомонӣ ҳаққи хизматрасони «Роҳи оҳани Тоҷикистон» пардохт карда шудааст. Аз ин рӯ саҳми корхонаи «ТАЛКО» дар рушди иқтисодиёти кишвар хеле калон аст,-афзуд Шариф Раҳимзода.