САДАМАИ НАҚЛИЁТӢ ДАР ВМКБ

                 Душанбе, 8 июн. (АМИТ «Ховар», Анварбек Сиддиқов).- 7 июн дар 559 км шоҳроҳи Душанбе-Хоруғ ронандаи автомашинаи тамғаи «Нисан-Тирана» Комил Раҳматов бо суръати баланд ҳаракат карда, аз ӯҳдаи идораи автомашина набаромада, аз баландии 21 метр ба дарёи Панҷ афтидааст. Дар натиҷа мусофирони автомашина Ш. Солиҷонова, Ш. Солиҷоноваи 6 сола, Н. Қудратбеки яксола ва шаҳрванди Ҷумҳурии Чин (сину сол ва шахсияташ маълум карда мешавад) ба об афтида ғарқ шудаанд. Ҷустуҷӯи ҷасади ғарқшудагон идома дорад.                Тавре аз аз маркази матбуоти ВКД-и ҷумҳурӣ ба АМИТ «Ховар» хабар доданд, ронандаи автомашина, инчунин мусофирон Д. Абдулгурезов ва В. Айдарбегов бо бардоштани ҷароҳати ҷисмонӣ ба беморхонаи ноҳиявии Рӯшон бурда шуданд.