САФАРҲОИ ҲУНАРИИ КОРМАНДОНИ СИРК

                  Душанбе, 11 июн. (АМИТ «Ховар», Лутфия Эшонқулова).- Гурӯҳҳои ҳунарии сирки давлатии Тоҷикистон ба минтақаҳои гуногуни ҷумҳурӣ ба сафари ҳунарӣ мераванд. Муовини директори сирк Давлат Сафаров ба АМИТ «Ховар» хабар дод, ки як гурӯҳ ҳунармандон таҳти роҳбарии Тағоймурод Усмонов ба вилояти Хатлон сафар карданд.  Гурӯҳи дигари ҳунарпешагон таҳти роҳбарии Бахтиёр Изатуллоев ба ноҳияҳои тобеъи марказ меравад. Ба гурӯҳи сеюм ҳунарпешаи варзида Шокир Болтаев роҳбарӣ мекунад.                 Сафари ҳунарии онҳо то охири август давом мекунад. «Мо ният дорем, ки ба тамоми шаҳру ноҳияҳои мамлакат сафар карда, хотири ҳамаи сокинони онҳоро бо ҳунари волои худ шод гардонем», гуфт Д. Сафаров.