САФАРИ ҲУНАРӢ БАРПО НАШУД

                        Душанбе, 2 июн. (АМИТ «Ховар», Лутфия Эшонқулова).- Бо сабаби боронҳои пай дар пай ва омадани сел ба ноҳияҳои ҷумҳурӣ, сафари ҳунарии ҳунарпешагони Театри давлатии академии драмаи ба номи А. Лоҳутӣ барпо нагардид.                        Тибқи нақшаи сафар, онҳо мебоист 1 июн дар Рӯзи байналмилалии муҳофизати бачагон ба шаҳру ноҳияҳои вилояти Хатлон сафар карда, дар давоми 10 рӯз дар ҳамаи театрҳои ноҳияҳои вилоят асарҳои саҳнавиро пешкаши тамошобинон мегардонданд.                          Ҳунарпешагон ният доштанд, ки ба тамошобинони хатлонӣ асари саҳнавии «Офати нафс»-и драмнависон А. Хоҷаев ва Н. Ҷарронӣ пешниҳод намоянд.                       Дар ин бора аз маъмурияти театри ба номи А. Лоҳутӣ ба АМИТ «Ховар» хабар доданд.