ШӮҲРАТИ АСАРҲОИ АДИБ

                    Душанбе, 10 июн. (АМИТ «Ховар», Лутфия Эшонқулова).- Китоби нависанда ва муҳаққиқи тоҷик Мирзо Шукурзода «Тоҷикистон дар қаламрави ориёно» бори дуввум дар нашриёти «Деваштич» бо теъдоди 1, 5 ҳазор нусха аз чоп баромад. Дар Иттифоқи нависандагон ба мухбири АМИТ «Ховар» хабар доданд, ки бори аввал ин китоб соли 2007 нашр гардида, ба зудӣ дастраси хонандагон гардид. Ин маҷмӯа 10 мақолаи бузургтарин олимони дунёро, ки дар бораи таъриху тамаддуни тоҷикон навиштаанд, дар бар мегирад.  Соли 2008 ҳафтаномаи «Вароруд» ин китобро беҳтарин китоби сол эълон намуд. Ҳамчунин, китоби мазкур дар Эрону Покистон низ бо забони форсӣ бо теъдоди 5 ҳазор нусха ба табъ расидааст.                   Мирзо Шукурзода бахшида ба ҷашни 60-солагиаш китоби наверо бо номи «Размоварони Ҳиндукуш», ки дар бораи муборизаҳои озодихоҳонаи Аҳмадшоҳи Масъуд ҳикоят мекунад, таълиф намуд. Китоби мазкур моҳҳои наздик дар нашриёти «Адиб» чоп хоҳад шуд.