ШАҲРВАНДОН АЗ СУПОРИДАНИ БОҶИ ДАВЛАТӢ ОЗОД МЕШАВАНД?

                   Душанбе, 10 июн. (АМИТ «Ховар», Марзия Саидова).-Дар асоси ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи Суди конститутсионии Ҷумҳурии Тоҷикистон» шаҳрвандоне, ки ба суд муроҷиат мекунанд аз супоридани боҷи давлатӣ озод карда мешаванд ё андозаи боҷи давлатӣ кам карда шуда ва ё супоридани онро ба таъхир мегузоранд. Суд метавонад чунин салоҳиятро бо назардошти вазъи пасти молиявию иқтисодии шаҳрвандоне, ки ба суд муроҷиат менамоянд, дошта бошад. Ин масъала 10 июн дар ҷаласаи навбатии иҷлосияи Маҷлиси намояндагони Маҷлиси Олии Ҷумҳурии Тоҷикистон баррасӣ шуда, бо раъйи 52 нафар вакил қабул гардид.Узви Кумитаи Маҷлиси намояндагон Хадича Ҳакимова зимни шарҳи қонуни мазкур гуфт, ки лоиҳаи ин қонун бо мақсади амалӣ намудани Паёми Президенти ҷумҳурӣ ба Маҷлиси Олии Ҷумҳурии Тоҷикистон дар соли 2008 ва мутобиқ гардонидани он ба меърҳои Конститутсия Ҷумҳурии Тоҷикистон таҳия ва пешниҳод шудааст. Тибқи он ба 17 моддаи қонуни мазкур тағийру иловаҳо ворид карда шуд.                  Ҳамзамон, Раиси тозаинтихобшудаи Суди конститутсионии ҷумҳурӣ Маҳкам Маҳмудов ин масъаалро муҳим арзёбӣ карда гуфт, ки Қонуни конститутсионии Ҷумҳурии Тоҷикистон воқеан ба тағйироти куллӣ ниёз дорад ва ислоҳоти Суди конститутсионӣ яке аз самтҳои асосии Барномаи ислоҳоти Судӣ дар кишвар аст.