ШИРКАТИ СОҲИБМУЛКОНИ МАНЗИЛ МЕАФЗОЯД

                            Душанбе, 8 июн.(АМИТ «Ховар», Марзия Саидова).-Лоиҳаи Қонуни Ҷумҳурии Тоҷикистон «Дар бораи нигоҳдории биноҳои бисёрхонагӣ ва ширкати соҳибмулкони манзил» дар заминаи зиёд гардидани талаботи аҳолӣ ба манзил, ҳифз ва нигоҳдории биноҳои бисёрхонагӣ ва тақвият додани фаъолияти ширкатҳои соҳибмулкони манзил таҳия шудааст, гуфт Раиси Кумита оид ба энергетика, саноат, сохтмон ва коммуникатсияи Маҷлиси намояндагон Мирзошариф Исломиддинов.                     Аз Маҷлиси намояндагон ба АМИТ «Ховар» иттилоъ доданд, ки масъалаи мазкур 8 июн дар ҷаласаи Шӯрои Маҷлиси намояндагон мавриди баҳсу баррасии аъзои Шӯро қарор гирифт. Дар назар аст, ки лоиҳаи қонуни мазкур рӯзҳои наздик дар ҷаласаи навбатии иҷлосияи Маҷлиси намояндагон баррасӣ ва қабул хоҳад гардид.