ШУМОРАИ КОРХОНАҲОИ ПУДРАТӢ БА 181 АДАД РАСИД

                   Душанбе, 10 июн. (АМИТ «Ховар», Лаззат Диловарзод).- Дар давоми 10 соли охир дар шаҳри Душанбе беш аз 561,3 ҳазор метри квадратӣ хонаҳои истиқоматӣ сохта ба истифода дода шудааст.                  Бо мақсади сохтмони фонди манзил аз буҷаи Ҳукумати шаҳр 931,4 млн. сомонӣ маблағ ҷудо карда шудааст. Соҳаи сохтмони капиталии шаҳр ба андозаи 2,1 млрд. сомонӣ маблағгузорӣ карда шуд. Шумораи корхонаҳои пудратӣ аз 54 ба 181 адад расонида шуд.                  Ба бӯҳрони молиявӣ нигоҳ накарда, ҳукумати шаҳр барои сохтмони хонаҳои истиқоматӣ соли ҷорӣ 800 млн. сомонӣ ҷудо менамояд,-иброз доштанд дар Раёсати сохтмони шаҳр.